«Здравоохранение» нацпроектэнть лувсо Мордовиясо одкстомтовить поликлиникатне

Истя, 2024-це иестэ витнемань тевтне прядовсть медицинань 3 учреждениятнесэ.

Сехте покш ремонтось ульнесь Саранскоень 4-це поликлиникасонть, конась мольсь колмо иетнень перть. Одкстомтозель зданиянть лангозо, латозо, полавтозельть вальматне ды лифттнэ.

Истяжо одкстомтозель Республикань гериатрической куншкакуронь материально-технической базась. Тосо одс полавтозель электроснабжениянь системась, одкстомтозель пожаронь сигнализациясь, витнезельть служебной ды врачтнень нупальтне. Витнемань тевтне ютавтозельть ловозь колазь шумбрачи марто ломантнень лангс.

Теде башка, Саранскоень омбоце поликлиникань вейке филиалсонть одкстомтозель латось.

Эряви меремс, нацпроектэнть лувсо истяжо рамазельть медицинань оборудованиянь 277 единицат, ламотне конатнень эйстэ те шкане пачкодсь поликлиникатнес ды больницятнес. Тень марто вейсэ евтасынек, те шкане витнемань тевтне поладовить республикань эрьва кодамо буетнесэ медицинань 10 учреждениятнесэ.