Вячеслав Зобковонь концертоц

«Вячеслав Зобков. Всегда Ваш» тяфтама лем ала 28 мартста Мордовиянь заслуженнай артистть Вячеслав Забковонь ётай юбилейнай концертоц. Программати сувайхть артистть репертуарстонза инь цебярь моротне. Тя и советскяй композиторхнень произведениясна, и Мордовиянь авторхнень моросна. Но ваныхнень эса учихть и лия казнет, конатнень аноклазь артистть ялганза. Тядде Вячеслав Забковонди топодсь 35. Концертсь ушеды 19:00 частса. Од ломаттнень 14 кизоста сявомок, 22 кизос молемок ули кода ваномс сонь «Пушкинская карта» программать вельде.