Владимир Путин вастовсь Артём Здуновонь марто
Опубликовано Вайгель - 18.08.2021
Россиянь Президентэнть Мордовия Республикань прявтонь тевтнень топавтыцянть марто важодемань вастовомась ютась видеоконференциянь режимсэ. Кортамось мольсь стакачитнеде, конат улить республикасо, ды икелев моли шкантень арсезь тевтнень ланга.
Артём Здунов ёвтнизе Владимир Путиннэнь COVID-19 орманть марто сюлмазь ситуациядонть, социально-экономической сферадонть. Региононь прявтонь тевтнень топавтыцясь домкасто ёвтнесь инвестицяинь 17 проекттнэнь ланга, конатнень ютксо медпрепаратонь теемась-нолдамось ды сывелень переработкась. Эряви тешкстамс, агропромышленной комплексэнть коряс Равчирень федеральной ёнкссо Мордовиясь ашти васенце таркатнесэ.
Тенде башка, кортамосонть ледстязель госдолгонть марто сюлмазь темась. Артём Здунов вешсь кирдемс региононь кепетемань индивидуальной программанть, кона алтазь кастомс республикань бюджетэнть ды максомс ломантненень важодемань од таркат. Мордовиянь прявтонть тевтнень топавтыцянть валонзо коряс, неень шкасто региононтень стака касомс сень коряс, мекс Мордовиянть лангс путозь ламо пирявкст, сюлмазь покш долгонть марто.
«Артём Алексеевич, проблема известна. Она досталась Вам в наследство, – мерсь Владимир Путин. – Безусловно, помогать будем. Ограничения, которые с этим связаны, конечно, носят искусственный характер. Я думаю, что Вы абсолютно правы, анализ у Вас правильный, и предложения понятные, надо будет только определить размер этой поддержки. А административные, нормативные ограничения, конечно, нужно снимать, иначе невозможно будет двигаться».
Весемеде башка, Президентэсь тешкстызе вадрянтькак, мезе ули Мордовиясо: социальной инфраструктуранть; безработицань уровнянть, кона республикасонть седе вишкине лия регионтнэнь коряс.
Владимир Путин арсесь Артём Здуновнень паро тевть ды алтась ванномс пшкадеманть ды максомс кармавтомат.
