Владимир Путин казинзе Мордовиянь эрицятнень

Ламо иетнень перть паро важодеманть кис Россиянь Президентэнть кармавтоманзо коряс Российской Федерациянь шнамонь коневсо казезельть:

18-це пожарной частень противопожарной службань пожарноесь Александр Адмайкин ды «НовоМилк» организациянь ловсонь цехень ёроковось Татьяна Киреева.

Российской Федерациянь Президентэнь сюконямонь вал яволявтозель Эрзя-мокшонь Регионъютконь общественной вейсэндявксонь Исполкомонь прявтонтень, Эрзянь раськень фондонь ды Эрзянь мастор газетань прявтонтень Татьяна Ларинанень.

Образованиясо ламо иетнень перть важодеманть кис Российской Федерациянь Президентэнь шнамонь коневсо казезельть Услугань ды промышленной технологиянь сферасо Саранскоень техникумонь преподавателесь Ольга Маркина ды 17-це школань «Тавла» образованиянь центрань тонавтыцясь Марина Сыркина.