«Вейсэндязть изнямонть лемс»

«Вейсэндязть изнямонть лемс»  — истямо лем ало волонтеронь вейсэндявкс пурназель Лямбирень буесэ. Эрьва чистэ, апак оймсе, аватне кодыть кекшемань коцтт минек ушмантнэнь туртов, конат неень шкасто СВО-нь ютавтомань таркатнесэ.

Специальной военной операциянть ушодкстонзо саезь фронтов кучозьть тежа кавтосядт анок коцтт. Ды, кода тешкстыть сынсь аватне, сынь кодыть эште зняро, зяро карми эрявомо. Ушмантнэ максыть яволявкст эрявикс коцттнэнь ланга, ды волонтертнэ анокстыть роботантень.

Эряви меремс, полавтовсь коцттнэнь кодамонь техникаст. Ней седе пек важодить «гирлянда» техникасо. Ловови, сон седе кеме, тусто ды саи аволь пек ламо шка.

Волонтеронь штабт улить Лямбирень лия влетнесэяк: Николаевкасо, Дальнийсэ, Черемишевасо. Кодыть коцтт Покш Елховкасояк, Атемарсояк, Пензяткасояк, Болотниковасояк.

Коцттнэде башка, волонтертнэ пачтить СВО-в гуманитарной лезкс.