Тячи славянскяй письменностень и культурань шись

Опубликовано - 24.05.2021

Тянь видеса инь оцю илать ётафтсазь содавикс живописецть Федот Сычковть шачема-касома вастсонза — Ковылкинань аймакса Кочелаево велеса.
Тоса, рузонь культурань центраса, кармайхть выступандама самодеятельнай и профессиональнай морайхне, «Околица» фестивалень пялькстыхне.
Кучка площадса келеми оцю ярманка балаганнай театра мархта, тяфта же ули кода варжамс рузонь национальнай эрь кодама ярхцамбяль и симомбяль. Келемихть декоративно-прикладной творчествань няфтема, спортивнай пялькстомат, народнай налхксемат, национальнай панаронь дефиле.
А кда эвондай мяленте, мольхтяда нинге Сычковонь музей-кудозонза, марясасть прянтень художникть картинастонза героинякс.
Тя Ковылкинаса. А тяса, Саранскяйса, Феодор Ушаковонь Кафедральнай соборонц инголе тяфта же ули концерт, кона лемдеви тячиень илати. Эсонза примайхть участия сембе россиянь хоровой фестивалень и школьнай хоронь лауреаттне. Концертсь ушеды тячи 13:00.


Вайгель эфир по будням: с 7.00 до 7.30 – на эрзянском языке, с 7.30 до 8.00 – на мокшанском языке

Current track

Title

Artist