Торбеевасо эль прядови Михаил Девятаев лемсэ музеенть-кудонть одкстомтомазо

Тевесь топавтови «Культура» нацпроектэнть лувсо. Тень туртов явозель малав 4 млн. целковойть.

Ней музеень инжетнень васты сонсь летчикесь, Героесь Михаил Девятаев. А бути ёвтамс седе видестэ, Михаил Петровичень сэрьс голограммазо.  Сон ёвтни сыцятнень эсь подвигензэ ланга.

Истяжо явозь ярмактнень лангс рамазельть витринат, туоврт, манекент, невтемань стендт, техникань оснащения, одкстомтызь кияксонь ацамканть. Малавгалиця шкасто рамить виртуальной шлемть, конатне лездыть неемс эсь сельмсэ Михаил Девятаевень меельце тюреманть коштсо, кона ульнесь 1944-це иень медьковсто.

Неень шкасто витнемань ды одкстомтомань малав весе тевтне прядовсть: путозть витринатне, ладсесть экспозициятне.

Эряви тешкстамс, весе те шканть перть музеесь эзь пекстневт, сон важодсь инжетнень туртов.