Тедеде Торбеевасо карми витнезь малав 13 вайгельбеть ки

Опубликовано - 19.06.2024

Теде мерсь Промышленностень, строямонь, транспортонь, ЖКХ-нь ды связень коряс Торбеева буень прявтонть полавтыцязо Андрей Юганов.

Истя, «Безопасные качественные дороги» нацпроектэнть лувсо ушодовсь «Савва-Никольское-Саранскоев молиця кинтень М-5 “Урал” трассанть эйстэ ардомась» 7 тежадо ламо вагельбеть кувалмосо кинть одкстомтомазо.

Теке программанть коряс моли «Торбеева-Виндрей» кинь 5 вайгельбеть кувалмосо пельксэнть витнемазо. Роботатнень арсить прядомс те иестэ сёксня.

Теде башка, аштемковонть песэ ушодовить витнеманть тевть Торбеевасо Мирэнь курова ютыця кинть лангсо. Тосо карми одкстомтозь 625 метрат кувалмосо ки. Те шкане теицясь аноксты материалт. Кинть тееманзо лангс явозь 6 млн ламо целковойть региононь бюджетстэ.


Вайгель эфир по будням: с 7.00 до 7.30 – на эрзянском языке, с 7.30 до 8.00 – на мокшанском языке

Current track

Title

Artist