Сурвелесэ панжовсь велень клубось

«Культура» национальной проектэнть потсо Кочкур буень Сабаево велесэ витнизь культурань ташто кудонть. Тосо полавтозельть латось, вальматне ды кенкштне; одкстомтозельть стенатне, киякстнэ, потолоктне. Ней од клубсонть улить эрьва кодат нупальть: кружоктнень туртов, ловнома кудо, 100 таркас концертэнь зал, кайсема тарка. Путсть озамо од таркат ваныцятнень ды инжетнень туртов, рамасть сценань од оршамопельть артисттнэнень, профессиональной оборудования.

Панжомань церемонияв Сабаевав сакшность Мордовия республикань Культурань, национальной политикань ды архивень тевень министрась Светлана Баулина, Кочкур буень прявтось Светлана Герасимова, культурань роботниктне ды велень эрицятне.