«Стихия авторская» проектсь кочкай инжихть!

15 ноябрьста Саранскяйса ётай «Стихия авторская» республиканскяй 8-це фестивальсь. Илась ушеды 18 частса Саранск ошень Культурань дворецса. Лемозонт кармайхть выступандама артисттне, конат варчсесазь вийснон музыкальнай эрь кодама направленияса. Организаторхне надияфтыхть од лепт и од морот.

«Стихия авторская» проектть васенце концертоц ётафтовсь 2016 кизоня. 7 фестивальхнень эса выступандасть 150 маласа участник.

А 17 ноябрьста, шуваланяста (четвергста), Саранскяйса Донецкяй государственнай академическяй филармониять Эстрадно-симфоническяй оркестрац ётафты благотворительнай концерт.

Мариуполень филармониять инь од коллективоц няфти эстрадно-джазовай программа. Концертсь ули Республиканскяй дворецса 17 ноябрьста 7 частса илядь.