Стерлитамак ошсо панжови «Кудо» эрзянь-мокшонь нупалесь

Теде пачтить Башкортостансо «Мокшэрзянь национальной культурань центрань» важодицятне. Сынь ламо иетнень перть ванстыть ды кепетить раськень койтнень, культуранть ды покштятнень-бабатнень келенть, кирдить кеме сюлмавкст Мордовиясто ялгатнень марто.

Аволь пек умок сынь эсь ярмакост лангс витнесть важодемаст туртов нупаль Стерлитамаконь Национальной культуратнень куросо. Истяжо тосо пурнавсь «Мордовочка»  музыкань эште вейке коллективесь.

Ней вана арсеви теемс «Кудо» этникань гостиноесь, косо эрьвась тееви содавиксэкс эрзятнень ды мокшотнень культураст марто. Сон карми пурназь-теезь ярмактнень лангс, конат явозельть Башкортостан республикань прявтонть Грантонь фондсто. Лангозост кармить рамазь станокт, экспозициятнень туртов витринат, туворт-озамот ды лия.

Теде башка, «Кудосонть» карми анокстазь раськень ёроковтнень туртов тарка, косо кармить ютамо эрьва кодат мастер-класст.