Старошайговскяй районца петевихть общеобразовательнай кафта школат
Опубликовано Вайгель - 05.06.2024
«Образование» нацпроектть мяльса кирдезь Старошайговскяй районца петевихть общеобразовательнай 2 школат.
Фкясь эздост — Сире Шайгав велеса, сон тонафнихнень лувксснон коряс инь оцюсь районца. Школась строяфоль нинге 1988 кизоня. Ся пингста сявомок капитальнай ремонт ашезь ётафнев. Одкстоптомс эрявсть вельхкссь, канализациясь, водопроводсь, отоплениясь и стенатне. Работатне ушетфтольхть 18 мартста, тяни оцю работа мольфтеви потмонь отделкать коряс.
Нинге фкя школа одкстоптови Новотроицкое велеса. Зданиясь строяфоль 1984 кизоня. Тиф ни ремонт вельхксти, фасадти. Тяни полафтовихть киякссь, электропроводкась, перегородкатне, вальмятне. Школаса кармай улема и столовай, кона инголи лия корпуссоль. Теенза рамаф ни од оборудования.
Фотось: e-mordovia.ru
