Сентябрьста Мордовияса панжеви «Авангард» од ломаттнень военно-патриотическяй воспитанияснон коряс центра

Россиянь Президентть Владимир Путинонь мярьгоманц коряс странаса панжевихть «Авангард» од ломанень военно-патриотическяй воспитаниянь центрат. Синь появайхть сят ошнень эса, конатнень эряень лувкссна 100 тёжянь лама ломань. Минь регионсонк тяфтама центрась панжеви сентябрь ковста. Тянь колга мольсь корхтамась Мордовиянь Оцюнять ширеса 8 августста. Васенце вице-премьерсь Галина Лотванова азозе, што «Авангард» центрась кармай покодема Ичалковскяй аймакса «Вастома» кизонь идень лагерть видеса и арай васенце вастокс республикаса военно-патриотическяй образованиянди. Теенза оцюнякс путови Саранск ошень 24№ школань информатикань и физическяй культурань тонафтысь Дмитрий Тагаев