«Семейный пикник» фестивальсь ётась Саранск ошса

Саранск ошень Экопаркса ётафтфоль «Семейный пикник» фестивальсь. Мероприятиясь ульсь од семьятненди, конат эряйхть Мордовия Республикаса. Участия фестивальса примасть 1000 лама ломаньда. Программати сувасть интерактивнай площадкатне, творческяй мастерскойсь, тядятненди-алятненди лекторийсь, пидемань-панемань мастерскойсь и концертнай оцю программась. Фестивалень сценаса ульсь кода няемс «СарГрад» культурань виимань-касфнемань Центрать тонафниензон, «Babochka» проектть и «ВЕСНА» акустическяй дуэтть.
Мероприятинь организаторкс лиссть Мордовия Республикань од ломаттнень тевснон коряс Государственнай комитетсь, «Мордовский республиканский молодёжный центр» Государственнай бюджетнай учреждениясь.
«Семейный пикник» фестивальсь ётафтфоль эряфс «Образование» национальнай проектть рамкасонза.

Фотось: Е-Мордовия сайтстэ