Саранскяйса ётась ризнамань и мяляфтомань шись
Опубликовано Вайгель - 24.06.2024
22-це июньсь минь странанеконь историяса – ризнамань и мяляфтомань шись. Саранскяйса ётась траурнай церемониясь, лемтьфсь тя шити.
Мероприятиять эса, кона ётась Сяськомань площадтть лангса Аф мадонды толть ваксса, примасть участия государственнай властень органонь, од ломанень общественнай и патриотическяй пуромксонь представительхне, а тяфтажа Мордовиять столицанц эряенза и инжиенза.
Илать пингста ульсть путфт панчфт памятникти военнослужащайхнень, МР-нь правоохранительнай оргаттнень, Афганистанса боевой действиянь участникнень, Севернай Кавказса антитеррористическяй операциянь участникнень, СВО-нь, од ломанень общественнай, ветеранскяй, военно-патриотическяй организациянь, религиознай конфессиянь представительхнень эзда. Пуромксу кочкафнетяштькстазь Великай Отечественнай войнань кизотнень пингса шавфнень, юмайхнень, кулыхнень госпитальса мялямснон. Сяльде колмоксть ульсть нолдафт оружейнай залпт.
