Саранскяйса ушедыхть строяма од седь

Тя сембода оцю седсь ошть историяса. Моску алдонь компаниясь сяськсь тендер путепроводонь строяма Строительнай ульцять, Ленинонь проспектть и кшнинь кить пачк. Саранскяйса покодематне ушедыхть 27-це мартста. Синь ни ванозь, кодама грунтсь, кода эряви ароптомс объектть маланц и кода тиемс покодихненди эряма васта.
Ниле полосаса кить кувалмоц ули 1 вайгяльбе 226 метрат. Ушеды эстокиге Строительнай и Пролетарскяй ульцятнень перекрёсткаснон фталда и аделави Инсар ляень седть эзда пяле сятт вайгяльбеса. И тя ули сембода оцю седсь Саранскяйса. Лия 5 объекттнень мархта марса путепроводсь сувай Светотехстрой-Химмаш кинь проектти.
Тиеманц питнец — 3 миллиардта цалковайда лама.

Фото: кадр из видеопрезентации проекта «Института «Гипростроймост»