Саранскяйнь кинотеатратнень эса няфтихть мордовскяй танкист колга кино.
Опубликовано Вайгель - 04.05.2022
«Иван Гусев. Подвиг на Курской дуге» картинать эса азондови Атяшевскяй райононь Сабанчеево велень геройть подвигонц колга. 1943 кизоня Прохоровкать ала сонь экипажец тись танковай васенце таран.
Киноть тиезь мокшэрзянь энтузиасттне: продюсерсь Александр Учеваткин, режиссёрсь Максим Рыськин. Иван Гусевть налхкозе саранскяйнь студентсь Андрей Грызлов. Тяфта же киноть эса примасть участия Мокшэрзянь национальнай драмань театрань актерхне Александр Батырев и Дмитрий Мишечкин.
Киноть премьерац ули 8 майста 18 частса «Россия» кинотеатраса. 9,10 и 11 майста 7 частса илядь сонь няфтьсазь «Мадагаскар» кинотеатраса. Сяльде Иван Гусевть колга кинось пачкоди Мордовиянь райоттненди и мянь Россиянь лия региоттненди.
