Саранскяйнь электромеханическяй колледжть видеса панжеви «мини-завод»

Саранскяйнь электромеханическяй колледжть видеса эвондась «мини завод». Эсонза студентненди ули кода варжамс вийснон практикаса и тонадомс кабелень производствати. Образовательно-производственнай центрась тиеви «Профессионалитет» федеральнай проектонь ярмакнень лангс. Марнек тяфтама субсидия получайхть Россиянь 70 тонафнемань заведения.
Саранскяйнь электромеханическяй колледжса тя проектть видеса тиихть образовательнай программа и педагогическяй состав мархта башка кластер.
Колледжть директороц мярьгсь, што тя мини-заводть мархта тонафнемань процессь кармай шарома афкуксонь производственнай процессть лангс. Тя проектсь лезды кеподемс сай пингонь специалисттнень анокламаснон од уровеньц.