Саранскойстэ нолдыть самолётт Калининградов ды Казанев

Те шкантень Росавиациясо кемекстазть регионтнэнь юткова менельга ускомань субсидированиянь программанть коряс 2022-це иентень маршруттнэ.

Тов совась Мордовиянь прявт ошоськак. Ней, Саранскойстэ кармить ливтнеме самолетт Калининградов ды Казанев. Даннойтнень коряс, конат путозть ведомтсвань  сайтсэ, Калининградов менельга ускицякс карми «Red Wings» авиакампаниясь, а Казанев — «ЮВТ аэро».

Ливтямо самолеттнэ кармить кавксть таргонтень: панжиковонь 1-це чистэнть саезь умарьковонь 31-це чис — Калининградов ды якшамковонь 2-це чистэнть саезь ацамковонь 31-це чис — Казанев.

Кода тешкстазель Росавиациясо, те программанть туртов федеральной бюджетстэ явозель 9,3 млрд. цел. А те 21 % седе ламо 2021-це иенть коряс.