Саранскойсэ юты «Валдо кече» шахматань коряс Раськеютконь кубкась

Эряви меремс, колазь шумбрачи марто эйкакштнэнь ютксо турнирэсь васенцеде ютась Саранскойсэ 2006-це иестэ. Сестэ изнямонть кис бороцясть ансяк кавто командат. Свалшкань пелькстамокс турнирсэь кармась 2014-це иестэ. Ды сеть шкатнестэ саезь «Валодо кечесь» Мордовиянь визитной карточкатнень ютксто вейкесь.

Тедеде турнирэсь юты 13-цеде. Эйсэнзэ онкстыть виест шахматистт Россиянь 9 регионсто ды Беларусьстэ.

Пелькстамотне кармить молеме ацамковонь 22-це чинть самс. Те шканть перть спортсментнэ кенерить налксемс шахматасо ды невтемс прянть шахматань коряс од ломанень Россиянь сборной командань тренерэнть Павел Сучковонь пельде. Истяжо спортсментнэнь учи культурань сюпав программа.