Саранскойсэ юты «Поющее дерево» чувто ланга керсицянь фестивалесь

Коенть коряс, эйсэнзэ онкстыть виест сисем ероковт аволь ансяк Мордовиясто, лия регионтнестэяк: Удмуртиясто, Нижегородской, Самарань, Ульяновскоень енкстнестэ. Васенцеде невти пря фестивальсэнть Саранскоень 43-це лицейсэ 11-це классо тонавтницясь Григорий Ябров. Сонзэ тонавтыцязо – весенень содавикс керсицясь Василий Ширманкин.

Тедеде «Поющее дерево» регионъютконь V-це фестивалесь юты «Мы вместе!» национальной культурань од ломанень Весероссиянь фестиваленть лувсо. Арсематнень коряс, умарькоовнь 18-це чистэ чувтонь теевкстнэ кармить невтезь форумонь ды фестивалень инжетненень, ды седе тов кармить путозь явозь сынст  туртов этникнаь кужосо А. С. Пушкинэнь лемсэ культурань ды оймсемань парксо.