Саранскойсэ юты астрономиянь коряс Раськеютконь олимпиада

Опубликовано - 06.12.2021

Тень ланга кортамо мольсь промкссо, конанть ютавтызе Мордовиянь прявтось Артём Здунов. Европань Раськеютконь олимпиадась юты Саранскойсэ васенцеде, 2022-це иестэ.

Астрономиянь ды астрофизикань коряс сборной командань ветицянть Борис Эскинэнь мелензэ ютавтомс истямо турнирэнть Мордовиянь прявт ошсо кемекстызе Россиянь Просвещениянь министерствась.

Ледстясынек, сундерьквосто астрономиянь коряс олимпиада ютась школьниктнень ютксо Колумбиясо. Россиянь сборной командась сайсь тосо 10 медальть: 8 – сырнень, 2 ­– сиянь. Изницятнень ютксо – ёроков эйкакштнень туртов Мордовиянь лицеень тонавтницятне Илья Беспятый, Максим Пермяков ды Максим Раменский. Лицейсэ превей эйкакшонь трямонть кис, наукантень покш путовксонть кис яволявтозель мель ютавтомс мельга молиця олимпиаданть Саранскойсэ.

Мордовиянь прявтось тешкстызе: «Эряви пек парсте анокстамс пелькстамонтень, ков учовить 22 масторсто сыцят». Малавгалиця шкастонть карми кемекстазь оргкомитэтэнтень совицятне.


Вайгель эфир по будням: с 7.00 до 7.30 – на эрзянском языке, с 7.30 до 8.00 – на мокшанском языке

Current track

Title

Artist