Саранскойсэ витнесызь Эйкакшонь музыкань 1-це школанть
Опубликовано Вайгель - 03.04.2025
Тевесь карми топавтозь «Семья» нацпроектэнть коряс, конась кармась «Культура» нацпроектэнь поладомакс. Витнемань тевтнень ушодсызь тедеде.
Эряви меремс, Эйкакшонь музыкань 1-це школась – те музыкань васенце школась целанек, конась панжозель Мордовиясо 1939-це иестэ. Сеть шкатнестэ саезь сон тонавтсь ды нолдась регионсо зярыя шкинемань ломанть.
Ламо иетнень перть Музыкань школань зданиясь таштомсь. Ды ней, республикань историянь ды культурань наследиянь ванстомаст кувалма, сась шка зданиянть одкстомтомс. Арсематнень коряс, витнемань тевтне прядовить 2026-це иестэ.
Эряви меремс, «Культура» нацпроектэнть топавтоманзо перть Мордовиясо одкстомтозельть искусствань 9 школат: полавтозельть инженерной коммуникациятне, витнезельть латотне, зданиянь ланготне ды потсо нупальтне. Неть школатнень ютксо вететнес рамазель од оборудования: музыкань инструментат, гайтень ды валдонь максомань оборудования, мультимедийной технологият, нотань изданият, методикань литература.
