Саранскойсэ таго юты «Соотечественники» фестивалесь

Рузонь театрань Раськеютконь XVII-це форумось-фестивалесь карми ютамо ожоковонь 6-це чистэнть саезь 11-це чинть самс. Тедеде эйсэнзэ невтсызь пряст артисттнэ Южной Осетиянь, Белоруссиянь, Армениянь, Монголиянь, Приднестровьянь, Мариуполень ды, нама, Саранскоень Рузонь драмань театратнестэ — весемезэ сисем путовкст.

Коенть коряс, фестивалесь карми ютамо, Рузонь драмань театрань сценанзо лангсо.

Панжомась юты ожоковонь 6-це чистэ 18 ч. 30 мин. Сеске панжомадо мейле Мордовиянь Рузонь драмтеатрась невтсы Александр Пушкинэнь произведениянзо коряс «Маленькие трагедии» невтеманть.

Седе тов эрьва чистэ эсь путовксост кармить невтеме инжетне:

7-це чистэ 17.00 ч. Н. С. Аронецкаянь лемсэ Приднестровьянь драмань ды комедиянь театрась невтсы «Наш Чехов» А. Чеховонь пьесантнень коряс спектаклянть (Молдовань Тирасполь ошось)

8-це чистэ 17.00 ч. «Знак Почета» орденэнь Мариуполень академической театрась – «Человек, который платит» И. Жамиаконь нусманя комедиянть (Мариуполь ошось)

9-це чистэ 18.30 ч. К. Хетагуровонь лемсэ Южной Осетиянь драмтеатрась – «Самоубийца» Н. Эрдманонь трагикомедиянть (Цхинвал ошось)

10-це чистэ 12.00 ч. «Pro театр» Монголиянь някань театрась невтсы «Стрелок Большой палец» А. Будонь ёвксонть (Улан-Батор ошось)

10-це чистэ 18.30 ч. Од ломанень Гомель ошонь театрась – «Красная каска» драманть (Белоруссиянь Гомель ошось)

Пекстасы фестиваленть К. Станиславскоень лемсэ Ереванонь драмань театрась ожоковонь 11-це чистэ 18.30 ч. «Люди. Звери. Обстоятельства» путомасонть.