Саранскойсэ таго юты «Кодамо моро минь моратано…» фестивалесь-пелькстамось

Сон юты чадыковонь 5-це чистэ, МГУ-нь Культурань ды искусствань дворецсэ.

Эйсэнзэ прянь невтеме тердевить морамонь коллективть, дуэтт, раськень моронь башка морыцят, конат ванстыть ды сравтыть музыкань-морамонь фольклоронть масторонть келес.

Яволявкстнэнь мереви кучомс эйзюрковонь 20-це чинть самс.

Ледстясынек, мелят фестивалень гала-концертэсь пурнась 12 иестэ саезь 120 пря невтицят Саранскойстэ, Мордовиянь буетнестэ, Чувашиясто, Татарстансто ды Пензань ёнкссто.

Пелькстамонь теицятне: Н. П. Огарев лемсэ университетэсь, национальной культурань институтось, Финнэнь-угрань раськетнень культураст Равчирень курось Мордовия Республикасо Культурань, национальной политикань ды архивень тевтнень коряс министерстванть лезксэнзэ вельде.