Саранскойсэ сёрмадызь эрзянь ды мокшонь кельтнесэ диктанттнэнь
Опубликовано Вайгель - 15.04.2025
Эрзянь ды мокшонь кельтнень покшчинть икеле, кона тешкстави чадыковонь 16-це чистэ, Н. П. Огарев лемсэ университетсэ ютась «Эрзянь ды мокшонь кельсэ диктант» образованиянь акциясь. Тедеде сон алтазь Ине войнань Изнямо чистэнть 80 иетненень.
Эрзянь кельсэ текстэсь саезель Пётр Прохоровонь «Максим Алексеевич Пуркаев генералось» книгастонть. Ловнызе Филологиянь факультетэнь Эрзя-мокшонь кельтнень ды литературань кафедрань доцентэсь Нина Агафонова.
Мокшонь кельсэ текстэсь саезель Михаил Сайгинэнь «Давол» романсто. Ловнызе Эрзя-мокшонь кельтнень ды литературань кафедрань профессорось Галина Иванова.
Тедеде диктантонть сермадыть 11 регионсо. Мелят сермадызь 3 тёжадо ламо ломанть.
Те иень цётамотне кармить путозь Финнэнь-угрань культуратнень Равчирень куншкакуронь кулялопатнесэ чадыковонь 29-це чистэ.
