Саранскойсэ педе пес витнемадо мейле панжовсь Ботевградской курованть Саранка леенть трокс сэдесь

Топавтозь тевтнень ваннынзе Мордовиянь Прявтось Артём Здунов.
Ботевградской сэдесь – Саранскоень прявт сэдьтнестэ вейкесь, сонзэ кувалмозо 342 ламо метрат, строязь 1981 иенть прядовомсто, те шканть перть вестькак эзь витневе. «Безопасные и качественные автомобильные дороги» нацпроектэнть лувсо витнемань тевтне ушодовсть те иень эйзюрковсто.  Витнемань тевтнес ютавтозь 440 ламо млн целковойть.
Артём Здунов ваннызе одкстомтозь сэденть, ютась ялго Саранской куростонть саезь Советскоенть видьс. «Мостострой» компаниянь-подрядчикень прявт инженерэсь Иван Сатаев евтнесь топавтозь витнемань тевтнеде, тевс нолдазь неень шкань материалтнэде.
Тешкстасынек, педе пес витнемадонть мейле Ботевградской сэдень эксплуатациянь шкась – 40 иеть.