Саранскойсэ панжовсь Мокшэрзянь Якшам Атянть резиденциязо!

Телень арсематнень топавтыцясь учи инжетнень Мокшэрзянь национальной драматической театрасо. Од иень ёвксось ушодовсь театрань фойесэ. Тесэ эйкакштнэнь вастыть минек ёвксонь персонажтнэ: Вирявась, Вармавась ды Кудатясь. Сынь налксить эйкакштнэнь марто эрьва кодамо налксемасо, макстнить тенст содамоёвкст, тонавтыть эрзянь ды мокшонь паро валтнэнь кортамо, ютавтнить пелькстамот, кунсолыть  валморот ды морыть кузнэнть вакссо Од Иень морот. Целанек, минек Якшам Атясь малавикс рузонь Атянть марто. Сынь содавить ансяк оршамонь коряс. Минекесь кантли аволь якстере оршамка, а оршамка национальной тешкс марто. Якшам Атянть Резиденциясь важоди ды карми важодеме весе покшчитнень перть. Билетнэ Якшам Атянть марто вастовамантень рамавить  национальной театрань кассатнестэ.

Фото: Мордовский государственный национальный драматический театр