Саранскойсэ панжови Якшаматянть резиденциязо
Опубликовано Вайгель - 06.12.2023
Коенть коряс, сон карми улеме Мордовиянь национальной драмань театрасо.
Эйкакштнень ды сынст аваст-тетяст учи евксонь программа, конась вечкеви эрьвантень. Театрань фойесэ инжетнень карми вастомо Вармавась, конась ветясынзе сынст Якшаматянтень ды сонзэ нуцькинентень Ловонь стирнентень (Ловняськентень). Сындест башка, сыцятнень кармить учомо ламо лия инжеть.
Программань башка ёнксокс карми улеме «Кузонть перька» интерактивной спектаклясь, косо эрьвантень мереви морамс, киштемс ды невтемс пря пелькстамосо. Сонсь невтемась карми молеме рузонь кельсэ. Кона-бути валтнэ кармить меревеме эрзянь ды мокшонь кельтнесэ. Те лезды эйкакштнэнень седе парсте теевемс содавиксэкс мокшэрзянь культуранть марто. Эрьва инжесь туи резиденциясто паро потмоёжо, мазый фотография ды казне марто. Казне марто билетэнть питнезэ 600 целковойть. Весемеде кевкстнеде театрасо.
Резиденциясь карми роботамо ацамковонь 18-це чистэнть саезь якшамковонь 6-це чинть самс. Якшамковонь 1-це чистэ театрась а роботы.
