Саранскойсэ мекев ушодсызь важодемаст оймсемань чинь наймантнэ

Малав ие, кода пандеминять кисэ Мордовиясо а ютавтневить наймант. Кармась содавиксэкс, эйзюрковонь 13-це чистэнть саезь сынь кармить роботамо мекев. Тенде пачти ошонь администрациянь пресс-службась.

Весе карми истяжо, кода икеле, ансяк  павильонтнэ кармить аштеме седе васоло вейкест-вейкест эйстэ, карми ванстовомо чамаксонь режимесь. Микшнема таркатне секетне:  Энгельсэнь к. (26-це № лицеенть маласо)», Веселовскоень к. («Луч» культурань кудонть ды «Ринг» базаронть ютксо), Косарева к. (76-це, 78-це, 80-це кудотнень ды «Спар» лавканть вакссо) ды РДК-ть икеле ардомапелень аштема таркасонть.

А эйзюрковонь 7-це чистэ Саранскойсэ арсить ютавтомс понань кемень ды понань теемкань найман. Сон юты Ошонь Культурань дворецсэ, Титова куросонть.