Саранскойсэ кирвазстсть штатолт Беслансо кулозтнень кувалма

Терроризманть марто бороцямосо солидарностень чинь, конась тешкстави таштамковонь 3-це чистэ, прядыця мероприятиякс кармась «Сердце Беслана» акциясь. Сон ютась Соборной площадьсэ Кудораськентень кеврунгонть вакссо.

Вузонь, ссузонь студенттнэ, од ломанень патриотонь вейсэндявкстнэс совицятне, ошонь эрицятне ды инжетне ледстизь сетень, кить кулость терактсо Бесланонь 1-це школасо, ды вачкасть штатолсто «Беслан 20 лет. Мордовия помнит» сёрмадовкс.

Ледстясынек, 2004-це иень таштамковонь 1-це чистэ террористнэ саизь Беслан ошсо 1-це школанть. Заложникекс колмо читнень перть ульнесть 1200-до ламо эйкакшт, сынст аваст-тетяст ды тонавтыцяст.

Официальной даннойтнень коряс, терактсо кулость 334 ломанть, конатнестэ 186 эйкакшт, ламот ранязельть. Школань идеманзо шкасто кулость МЧС-нь 2 важодицят, спецназонь 10 специалистт, конатнень кудосо кадовсть эйкакшост, козяйкаст, аваст-тетяст.

Бесланонь зыянсо кулозтнень ледстизь чатьмонемань минутасо.

Память жертв бесланской трагедии, всех жертв терроризма под звуки метронома присутствующие почтили минутой молчания. В память о погибших священнослужители отслужили службу.