Саранскойсэ цётызь «Тиринь келень гайтесь» валморонь пелькстамонть

«Вайгель» радиопрограммась Саранскойсэ «Информациянь-методикань куншкакуронть» ды Мордовия Республикасо «Гильдия межэтнической журналистики» отделениянть марто вейсэ ютавтыть сонзэ 6-цеде. Эйкакштнэ, Саранскоень школатнесэ 2-4 класстнэсэ тонавтницятне, иеде иес мельспаросо ёвтнить эрзянь ды мокшонь сермадыцятнень валморост. Тедеде жюрись кочкась 10 изницят ды 30 казнень саицят. Мероприятиясь ютась 19-це гимназиясо.

Сюконямонь валт ёвтатано «Москов ёнксонь Эрзя-мокшонь национально- культурань автономиянтень», сонзэ прявтонтень Дмитрий Макайкиннэнь ды Елена Широковань ветямонзо ало «Эряма» музыкань коллективентень, конат лездасть казнень рамамо.