Саранскойга карми ютамо «Нижний Новгород-Симферополь» поездэсь

Ускиця компаниясь нолдасы маршрутонть панжиковонь 26-це чистэ. Ардтнеме Саранскоенть пачк поездэсь карми, сехте аламо, кизэнть куншкас, медьковс.

Нижний Новгородсо Московонь вокзалсто поездэсь карми сыргсеме пелеветь, ноль часто вейксэ минутасто. Симферопольэ сон карми улеме кавто чинь ютазь, валскень кото часто. Мекев поездэсь карми сыргамо чокшне, комсь вейке часто кемень минутасто ды пачкодеме Нижний Новгородов чинь ютазь, комсь вейке чассто. Теде пачтязь компаниянь официальной сайтсэ.

Поездэсь карми ардомо весть таргонтень. Саранскойде башка сон ютасынзе Арзамасонть, Пензанть, Балашовонть, Дон лангсо Ростовонть, Таманенть, Керченть, Семь Колодезей ошонть, Владиславовканть ды Джанканть.