Саранскоев сы китаень артыцятнень невтемаст

Тевесь карми улеме С. Эрьзянь лемсэ изобразительной искусствань музейсэ, таштамковсто. Ваныцятне неить эрьва кодамо жанрасо артозь 50-де ламо акварелень артовкст. Тень ланга пачтясь музеень прявтось Людмила Нарбекова. Сонзэ валонзо коряс, те невтемась поладсынзе Мордовиянть ды Китаень раськень республиканть ютксо культурань сюлмавкстнэнь.
Саранскоень эрицятненень карми невтезь Циндао университетэнь Искусствань академиянь ёроковтнень шкинемаст. Эряви меремс, ламотне эйстэдест тонавтнесть Россиянь художествань вузтнэсэ, ды сынст артомаст содасызь аволь ансяк Китайсэ, мик лия мастортнесэяк. Саемга, Доу Фенчжи, Ван Шаобо, Гао Дунфан, Ли Тунчжоу ды лият.