Саранскоесь вейсэнди «Быть здоровым – это модно!» раськеютконь акциянтень

Спортонь-патриотонь акциясь юты «Мордовия Арена» стадиононть маласо даволковонь 22-це чистэ 12.00 чассто. Сон карми алтазь Ине Войнасо Изнямо чистэнть 80 иетненень.

Тедеде акциясо невтсызь пряст Сахалинстэ саезь Крыменть видьс Россиянь 50 регионсто ды ояксчинь 10 масторсто – Китайстэ, Чилистэ, Венесуэласто, Нигериясто, Замбиясто ды маласо Востоконь, 10 тёжадо ламо ломанть.

Эрьва региононть ды масторонть марто карми теезь-ютавтозь телемост. Секскак весе ваныцятне ды пря невтицятне карми нееме вейкест-вейкест.

Мероприятиянть прявт смустезэ – кельме ведьсэ валномась. Эйсэнзэ мереви невтемс прянть весенень 5 иестэ саезь.

Истяжо тосо кармить путозь инсталляцият, конат алтазть шумбра эрямонтень, Ине Войнань шкасто солдаттнэнь подвигень историятненень. Весень туртов анокстазь келей программа.

Кинь ули мелезэ невтемс прянть акциясонть, сермадстынк эсь прянк акциянь сайтсэ даволковонь 20-це чинть самс.

Акциянть ютавты «Ярополк» спортонь-патриотонь клубось. Саранскойсэ акциянть лезды ютавтомс «Старт» спортонь-тренировкань куншкакурось.