Саранскоень эрицятне несызь Никас Сафроновонь «Мистерия» невтеманзо
Опубликовано Вайгель - 29.03.2023
Экспозициясь панжови С. Д. Эрьзянь лемсэ музейсэ эйзюрковонь 30-це чистэ.
Невтемань пурныцятнень-теицятнень валост коряс, «Мистерия» невтемантень совить артозь графика ды живопись техникатнесэ 50-де ламо важодемат — пейзажт, натюрмортт, портретт, композицият ды «Дрим вижн» (ютавтови, кода «он») авторской техникасо артозь важодемат.
Невтемась карми роботамо ковонть перть, чадыковонь 30-це чис.
«Мистериясь» — Никас Сафроновонь 4-це невтемазо, конанть несызь Мордовиянь эрицятне. Меельценть, «Меняя реальность», сынь неизь 2021-це иестэнть, тельня.
Тешкстасынек, Никас Сафроновонь улить юронзо Мордовиянь Кочкур буесэ.
Читать далее
