Саранск ошса ётай «Забегсь»

4-це июньцта Саранск ошса ётай «Забег.рф» массовай Россиянь стартсь. Спортсметтненди ули кода кочкамс фкя ниле дисциплинатнень эзда. Стартсь и финишсь кармайхть ащема «Мордовия Арена» стадионть ваксса. Ласькомань кинятне ётайхть ошть кучканц и Юбилейнай микрорайонть эзгя. Примамс участия тянь эса ули кода сембонди, 6 кизоста сявомок. Марнек улихть 4 кинят:
1, 5, 10 и 21.1 вайгяльбелень кувалмоса.
Эрь ломанти, конац примай участия ласькомать эса, максови брендовай экипировка участниконь сертификат.