Саран ошсо юты ярсамопелень фестиваль

Ожоковонь 5-це чистэ Инсар леенть чиресэ ютавтови сёксень гастро-фестиваль. Саран ошонь эрицятнень ды инжетнень туртов анокставить тантей ярсамопельть, мастер- класст ды ламо мезе лия. Фестивалень программасонть кармить невтезь ошонь сехте содавикс ярсамо таркатне. Сынь каванясызь пурнавозетнень тантей ярсамопельсэ, студентэнь куротне невтьсызь эсь раськень ярсамопелест. Теде башка, карми важодеме найман, косо мереви рамамс мельстуиця ярсамопеленть. Ушодови фестивалесь 12.00 чассто ды поладови 18.00 часос. Теке шкастонть кармить микшневеме эсь кедьсэ теезь мазылгавтоматне ды оршамопельтне, юты мастер- класс артомань коряс. Эсь шкинемаст марто пурнавозетнень содавтсызь Андрей Бочканов, Александр Сергеев ды «Биг-бенд Саранск» джазонь оркестрась.