Саран ошсо ютасть художественной гимнастикань коряс пелькстамотне.

Малав 200 спортсменкат пелькстасть Мордовиянь чемпиононь лементь кис. Истя, индивидуальной программасо эсь иень группатнесэ изницякс кармасть Валерия Сидоркина, Полина Понятова, Ирина Байбикова, Владислава Медведева, Валерия Жидова, Ксения Дулкина ды Алина Баринова. Групповой упражнениятнесэ изницякс лиссть «Вишенки», «Сияние», «Акварель» командатне. Ней сынь кармить пелькстамо Мордовиянь сборноенть лувсо художественной гимнастикань коряс Россиянь пелькстамотнесэ.