Рузаевкаса капремонтта меле панжезь идень искусствань школать

26-це августста Мордовияв покодема тев мархта сашендсь Россиянь культурань министрать полафтыец Ольга Ярилова. Сон ванозень культурань ламонц учрежденияньконь, а тяфта же ульсь Рузаевкаса идень искусствань школать капитальнай ремонтта меле панжемасонза.
Петезь сонь «Культура» национальнай проектть видеса. Сембе тиф тефненди тусь 18,5 млн цалковай.
«Нацпроектсь лезды тиемс иттненди тяфтама цебярь условият, — азозе министрать полафтыец. — Мон кенярдян мархтонт марса, содаса, кодама эрявикс тя тевсь, монць покодень искусствань школаса директоркс».
Мордовиять тевонзон тиисна Артём Здунов китькстазе: искусствань тяфтама центрат панжевихть Мордовиянь и лия аймакса.