Россиясо уставась важодеме «Земский работник культуры» программась
Опубликовано Вайгель - 07.02.2025
Якшамковонь 1-це чистэ Россиясо уставась важодеме «Земский работник культуры» программась. Сонзэ вельде арсеви тердемс велетнес культурань сферасо важодиця од ломанть, кастомс культурасо важодицятнень питнейчист ды витемс ёвтазь сферасо асатыкстнэнь.
Арсематнень коряс, ёвтазь программась тейсы культуранть седе малавиксэкс велень эрицятнень туртов. «Земский работник культуры» программасонть се специалистэнтень, конась кочкасы важодема таркакс веленть, косо эрить 50 тёжадо аламо ломанть, эли лия эрямо тарканть, максови 1 млн целковойть. Чадыковонь 15-це чистэ саезь медьговонь 15-це чис кармить кочкавомо участиянтень конёвтне. Сундерьковонь 1-це чис пандовить программань участниктненень ярмактне. Эйзюрковонь 1-це чис эрьва региононть пельде кочкавить яволявтомат, косо учить культурань сферасо асатыця важодицят.
