«Роштовань тамашат» Национальной театрасо

Од спектаклясь путозель Николай Гоголень «Вечера на хуторе близ Диканьки» евтнемань цикланть коряс. Ансяк тесэ тевесь юты эрзянь велесэ. Путовксонтень совасть «Панжиковонь ве, эли Ваиця» («Майская ночь, или Утопленница») ды «Роштованть икеле весь» («Ночь перед Рождеством») евтнематне. Ваныцятнень икеле лиснесть содавикс геройтне: Левко, Ганна, Идемевсь, Вакула, Оксана, Солоха, Инязорава ды лият.

Путоманть лангсо важодсть Питерэнь режиссёрось Ольга Парфёнова, Московонь художникесь-сценографистэсь Ксения Сорокина ды Самарань хореографось Алексей Жандаров. Икеле сынь вейсэ путызь тесэ «Пеппи Длинный чулок» спектаклянть.

Эрзянь кельс рузонь текстэнть ютавтызе эрзянь поэтессась, «Сятко» журналонь ответственной секретаресь Мария Левщанова.