Республикань Кудосонть кортасть кабелень производстванть виевгавтомадонзо.

Мордовиянь Прявтось Артём Здунов ютавтсь важодемань вастовома «Лидер-Компаунд» Акционерной Обществань генеральной прявтонть Анатолий Бузлаев марто. Кортавсть предприятиянь виевгавтомань ды инвестициянь од проекттнэнь топавтомань кевкстематне.
Предприятиянь руководителесь ёвтнесь, тешкстави производствань невтевкстнэнь касомась. Эрьва ие топавтовить инвестициянь проектт, конат лездыть саемс од ёнкстнэнь, нолдамс импортонь полавтыця продукция ды, нама, кастомс производствань покшолматнень ды рентабельностенть.
Тедеде получазь льготань заем Россиянь промышленностень виевгавтомань Фондонть пельде кабелень нолдамонь коряс проектэнь топавтоманть лангс. Те од ёнкс, истят производстватнеде Россиясо ансяк кавто.
Предприятиясонть важодить 200 седе ламо ломанть, средней зарплатась кармась 95 тёжат целковойть. Свалшкане ветяви тевдеема сотрудниктнень важодемаст ды оймсемаст туртов вадря условиятнень тееманть коряс. Артём Здунов ёвтась сюкпря генеральной прявтонтень кадрань политикантень покш мелень явоманть, зарплатань уровнянть мельга ваноманть кисэ. Тешкстазель, предприятиянть туртов налогонь весе льготатне ды преференциятне поладовить.