Республикань кудосо кортызь Федеральной киланготнень витнемань кевкстематнень

Неень шкасто сехте стакат тевтне «Саранск- Сурское- Ульяновск» кинть лангсо. Тесэ ламот таркатненень эрявить витнемс. Ансяк 2022-це иестэ тевтне апакольть топавто, куш тень лангс кармавтнесь явомс мель Мордовиянь прявтось. Артём Здунов невтизе Александр Нефедовнень «Москва- Нижний Новгород» упрдоронь прявтонь тевтнень топавтыцянтень килангонь аварийной таркатнень фотографиятнень ды кармавтсь тешкстамс важодематнень коряс вейсэнь план. Александр Нефедов эсензэ ёндо кармавтсь витемс весе асатыкстнэнь ды кемевтсь, сы иестэнть важодемась неть ёнкстнэнь коряс карми виевгавтозь. Неень шкас тешкстазь васенце конракт. Сонзэ лувсо витеви 6 вайгельбес килангонь таркась. Васенце мелесь жо сы иестэ витемс кинть Саран ошсто Чаунзас- мерсь Александр Нефедов.