«РАВ-ОЯКСЧИНЬ ЛЕЙ»

Аштемковонь 24-це чистэ ушодовсь «Равось – ояксчинь лей»  XXIV -це раськеютконь этнокультурань фестиваль- экспедициясь. Тедеде сон алтави Ине Изнямосто 80 иень топодемантень. «Фёдор Достоевский» теплоходсо экспедициясь юты Саратов – Волгоград– Астрахань – оштнэва ды велявты мекев. Фестивалесь пурнасынзе Мордовиянь, Татарстанонь, Башкортостанонь, Ульяновск, Нижний Новгород, Пензань, Московонь ды Санкт- Петербургонь содыйтнень, шкинемань коллективтнень, Россиянь Федерациянь раськень-культурань вейсэндявксос совицятнень, специальной военной операциянь участниктнень.
Коень коряс, фестивалень программасо вастовомат, стувор экшсэ кортамот, ванномань экскурсият, фотоневтемат, мастер-класст, чокшнеть-вастовомат, невтемат, шкинемань коллективень концертт.