«Путь к вершине»

Мордовскяй книжнай издательствась нолдазе васенце од ломанень альманахть «Путь к вершине»лем ала. Изданиять аноклаец Оксана Белкина. Сборникти сувасть Мордовиянь 22 талантливай од авторонь произведеният, конат сёрмадыхть рузонь, мокшень и эрзянь кяльса.

Книгась нолдаф Мордовия Республикань цифровой развитиянь и массовай коммуникациянь Министерствать финансовай лезксонц вельде.

Од ломанень альманахсь, кона печатлафоль 400 экземплярса, ули нолдаф республикань сембе библиотекатнень эзга.