Пушкинкасо юты «Книгань каземань чи»

А. С. Пушкинэнь лемсэ ловнома кудось VII-де вейсэнди «Дарите книги с любовью» весероссиянь акциянтень. Мероприятиясь карми ютамо даволковонь 12-це чистэ 12.00 ч. саезь 14.00 часос. Инжетнень туртов карми анокстазь сюпав программа.
Сеске совамсто сыцятнень вастсызь Александр Пушкинэнь «Евгений Онегин» романсто геройтне. Эрьва инжентень мереви рамамс сувенирэнь продукция ды книгат. А кинь ули мелезэ, сенень книгасто саевкстнэ (цитататне) ёвтасызь, мезе сонзэ учи малавгалиця шкастонть.
Теде башка, инжетнень учить эрьва кодат мастер-класст: книгатнень туртов закладкань теемга, мазыйстэ сёрмадомга, сувенирэнь теемга. Юткошкань ютавтомань нупальсэ инжетнень марто ютавтыть «Литературный крокодил» ды «Книжный движ» налксемат.
Прявт мероприятиякс карми Наталья Рузанкина ды Василий Брыжинский сермадыцятнень марто вастовомась. «Подвиги» проектэнь авторонь коллективесь содавтсызь инжетнень «100 подвигов обычных людей» книгань од томонть марто.