Пушкинкасо ютась Сергей Адушкинэнь марто вастовома

Пушкинкасо, краеведениянь ды национальной литературань отделсэ, ютась МР-нь раськень артистэнть, Рузонь драмань театрань артистэнть Сергей Адушкинэнь марто вастовома.
«Люди, прославившие наш край» циклань мероприятиясь алтазель Мордовиянь автономиянть 95 иетненень.

Вастовомантень пуромкшность Музыкань интернат-кудонь тонавтницят ды тонавтыцят, Сергей Алексеевичень шкинеманзо вечкицят. Сынь мельспаросо кунсолость артистэнть ды макссть сонензэ эрьва кодат кевкстемат.

Сергей Адушкин ёвтнизе, кода ушодовсь шкинемань тевезэ, ледстинзе студентэнь иензэ, явсь актеронь ёрокчинь салавачитнесэ, ёвтнесь профессиянь башка ёнкстнэде.

Сергей Адушкин чачсь 1964-це иень таштамковонь 12-це чистэ Покш Березникень Раужо Промза велесэ. 1989-це иестэ прядызе Государствань Академической Вишка театрань пингсэ М. С. Щепкин лемсэ Московонь высшей театральной училищанть. 1991-це иестэнть саезь ды неень шкас сон важоди Рузонь драмань театрасо. Шкинемань кинзэ перть сон налксесь 70 ламо рольть — а лововитькак! Те якшамковонть ушодкссо Сергей Адушкин казезель РФ-нь Почётонь грамотасо.

Вастовомасонть музыкань покш казнекс кармась МР-нь раськень артистканть Анна Атласовань ды «Ламзурь» фольклоронь-этнографиянь раськень ансамблянть морамост.