Петр I Инязоронть кудынезэ Санкт-Петребургсо

Петр I Инязоронть кудынезэ — Санкт-Петребургсо васенце постройкась. Сон теезель 1703-це иестэ. Эйсэнзэ инязорось эрясь 5 иеть. Колмо чить эрявсть те апокш чувтонь кудыненть тееманзо туртов. Сонзэ покшолмазо — 60 кв. м. Эйсэнзэ — 3 нупальть: важодемань (тесэ Инязорось артызеяк Санкт-Петерургонть схеманзо), удомань ды ярсамонь туртов.

Кудыненть путоманзо туртов таркась кочказель а стяко: вальмастонзо неявсь, кода теевсь Петропавловской крепостесь, ды лееськак маласоль.

Сонсь кудось мольсь Европанцетнень ёнов, апак вано чувтосто тееманзо лангс. Сестэ кудынентень мерсть «Красные хоромы» сень коряс, мекс сон артозель якстере краскасо ды, меревлить, теезель кирпицьстэ. Сеть шкатнестэ Петр Инязорось макссь кармавтома весе чувтонь кудотнень артомс истя, прок сынь кирпицень. Сонзэ ульнесь мелезэ теемс весе ошонь кудотнень кевстэ.

Сонзэ перька 1844-це иестэ стявтозель кевень кудо, кона вансты чувтонь кудыненть пертьпелькссдэ.

Ине войнань шкатнестэ кудос парсте ванстовсь. Экспонаттнэ ускозельть Уралонть тона ёнов Сарапул ошов. Эсензэ кудыненть ванстсть музеень важодицятне, конат вельтякшнызь сонзэ чопадо тюсонь лазсо. 1944-це иестэ кудось-музеесь панжозель инжетнень туртов.

Течи Петр I-ень кудынезэ ашти Нева леенть чиресэ Санкт-Петербургсо аволь васоло Горьковская станциянть ды Аврора крейсерэнть эйстэ. Сон — XVIII-це пингень архитектурань памятник. Течи кудось сови Рузонь музеенть лувс ды ули кона еновгак амолиця сооружениякс, конанть эряви неемс.

Течи сон ашти аламодо шаштозель леень чиренть эйстэ. Кудыненть ды леенть ютксо юты келей ки, кува ардыть машинат.
Экспозициясонть ванстовсь алкуксонь ули-парось, конанть зярдо-бути токшесь сонсь Петр I эсь кедьсэнзэ – таргомань трубказо, тростезэ, эсь кедьсэнзэ теезь чевте озамо тарказо ды венчезэ, ды истяжо кедензэ отпечатказо.

Музейсэ а ютавтовить экскурсият вейкень-вейкень сыця ломантнень туртов (сыненст мереви кунсоломс кудынеденть аудигидстэ, ансяк ськамоткак весемесь тонавтови – тесэ ули информация марто вадря тарка).