Пензань ёнкссо ютась «Покш эрзянь чи»

Эрьваиень кенярксось, кода ветявсь, ютась Бессоновской буень Пазялго велесэ.

Покшчинь теицякс кармасть Эрзя-мокшонь культурань Пенза ёнксонь куншкакурось ды Пенза ошсо эрзя-мокшонь национальной-культурной автономиясь.

Инжетнень туртов анокстазель культурань сюпав программа.

Декоративно-прикладной искусствань кужосо эсь шкинемаст невтизь раськень ёроковтне, спортонь зонасо эрьвась, кинь ульнесь мелезэ, невтизе прянзо «Тюштянь налксемат» раськень пелькстамосо. Сехте вишкине инжетнень туртов истяжо анокстазель башка кужо – батутт ды эрьва кодамо нурямо марто.

Тарка явозель эрзянь ярсамопельтнень туртовгак.

Кенярксонь сцена лангсо морасть Пензань ёнксонь ды Мордовиянь филармониянь артисттнэ.

Фотось: Пенза ошсо эрзя-мокшонь национальной-культурной автономиянь